نیسان

مانگی چوار

مانگی چوار یان نیسان (بە ئینگلیزی: April، بە عەرەبی: أبريل، نيسان). چوارەم مانگی ڕۆژژمێری زایینییە و لە ٣٠ ڕۆژ پێکدێت. لە بەشێک لە نیوەگۆی باکووری زەوی بەهارە و لە بەشێک لە نیوەگۆی باشووری زەوی هاوینە و بەرانبەر بە مانگی تشرینی یەکەمە.

ناو و مێژوو

ڕۆمانییەکان ناوی ئەم مانگەیان لە وشەی Aprilisـەوە وەرگرتووە. بنچەی وشەکە لە کاری aperireـەوە وەرگیراوە کە بە واتای کرانەوە دێت، مەبەستیش لێی وەرزی کرانەوەی گوڵ و خونچەکانە.

نیشانەکانی

بەردی لەدایکبووانی نیسان بریتییە لە ئەڵماس. هەروەها گوڵی لەدایکبووانی مانگەکە بریتییە لە گوڵە مینا و پۆڵکە.

لە ڕووی گەردوونناسییەوە ئەم مانگە هەریەک لە کاوڕ و گا لەخۆی دەگرێت.

بۆنە و یادەکان

• ڕۆژی یەکی نیسان: ڕۆژی درۆی نیسان
• ڕۆژی دووی نیسان: ڕۆژی جیهانیی یەکگرتن
• ڕۆژی شەشی نیسان: ڕۆژی جیهانیی وەرزش بۆ گەشەپێدان و ئاشتی
• ڕۆژی حەوتی نیسان: ڕۆژی بەرەنگاربوونەوەی کۆمەڵکوژی ڕواندا، ڕۆژی جیهانیی تەندروستی
• ڕۆژی ٢٢ـی نیسان: ڕۆژی جیهانیی زەویی دایک
• ڕۆژی ٢٣ـی نیسان: ڕۆژی جیهانیی کتێب، ڕۆژی جیهانیی زمانی ئینگلیزی
• ڕۆژی ٢٥ـی نیسان: ڕۆژی جیهانیی مەلاریا
• ڕۆژی ٢٨ـی نیسان: ڕۆژی جیهانیی سەلامەتی و تەندروستی لەسەر کار
• ڕۆژی ٢٩ـی نیسان: ڕۆژی جیهانیی یادکردنەوەی بەرکەوتووانی چەکی کیمیایی، ڕۆژی جیهانیی سەما
• ڕۆژی ٣٠ـی نیسان: ڕۆژی جیهانیی مۆسیقای جاز

سەرچاوەکان

1. "April" in Chambers's Encyclopædia. London: George Newnes, 1961, Vol. 1, p. 497.
2. "Koledar prireditev v letu 2007 in druge informacije občine Dobrova–Polhov Gradec" [The Calendar of Events and Other Information of the Municipality of Dobrova–Polhov Gradec] (PDF) (in Slovenian). Municipality of Dobrova-Polhov Gradec. 2006. Archived from the original (PDF) on November 2, 2013.
3. "U101 College Search". Archived from the original on September 11, 2012.
4. Jacob Grim Geschichte der deutschen Sprache. Cap. "Monate"
5. Kipfer, Barbara Ann (1997) The Order of Things. New York: Random House
6. One or more of the preceding sentences incorporates text from a publication now in the public domain: Chisholm, Hugh, ed. (1911). "April". Encyclopædia Britannica. Vol. 2 (11th ed.). Cambridge University Press. p. 230.